Ethiopia Exoplanet Naming Final Stage


ኢትዮጵያ እንድትሰይም ለተሰጣት የህዋ አካል የስም አሰያየም የመጨረሻ ዙር የምርጫ ሂደት ይፋ ሆነ

Ethiopia Exoplanet Naming Final Stage

የአለምአቀፉ አስትሮኖሚካል ህብረት የተመሠረተበትን የመቶኛ ዓመት አከባበር ኣስመልክቶ  በሚያከናውነው  የሕዋ ኣካላትን የመሰየም ንቅናቄ የ‹IAU 100 NameExoWorlds›   ውስጥ  ሃገራችን ኢትዮጵያም በዚሁ ሂደት ውስጥ ተሳታፊ  በመሆኗ ሕብረቱ  በአንድሮሜዳ ህብረኮከብ  ውስጥ የምትገኘውን  በሳይንሳዊ ኣጠራሯ HD-16175 የተባለች ኣንድ ኮከብንና ይህችን ኮከብ የምትዞራት HD-16175-b የተባለች ዓለምን ያካተተውን ሥርዓት እንድትሰይም ለሃገራችን ኢትዮጵያ ዕድሉን ሰጥቷል(http://www.nameexoworlds.iau.org/ethiopia) ፡፡

በዚህም መሰረት  ብሔራዊ የስም አሰያየም   ኮሚቴ ተቋቁሞ የስም ጥቆማዎችን  በማስተባበር ሁሉም ህብረተሰብ  በስም አሰያየሙ እንዲሳተፍ የሚስችሉ ተግባራት እያከናወነ ይገኛል፡፡ እስካሁን  ድረስም

በአጠቃላይ 275, 907 (ሁለት መቶ ሰባ አምስት ሺ ዘጠኝ መቶ ሰባት )  የስም ጥቆማዎችን በ920 የስልክ መስመር አጭር የፅሁፍ መልእክት፣ በኢሜል፣ በፖስታ፣ በደብዳቤ እና ከዌብሳይት ፎርም ማሰባሰብ ተችሏል፡፡

ኮሚቴው መስፈረቱን የሚያሟሉ  ጥንድ ሰሞችን በየደረጃው ከለየ በኋላ  10 ጥንድ  ስሞች  ለመጨረሻ ዙር  የህዝብ ምርጫ አቅርቧል ፡፡  ድምጽ እንዲሰጥባቸው የተመረጡ 10 ጥንድ ስሞች የሚከተሉት  ሲሆኑ ከታች በተተቀሰው የምርጫ አግባብ መሰረት ህብረተሰቡ ድምጽን እንዲሰጥ ብሄራዊው ኮሚቴው  በአክብሮት ይጠይቃል፡፡

ድምጽ እንዲሰጥባቸው የተመረጡ 10 ጥንድ ስሞች የሚከተሉት ናቸው (10 selected stars and exo-planets for final voting)

የድምጽ አሰጣጥ መመሪያ

  • በስም ምራጫ ሄደቱ ላይ አንድ ሰው አንድ  ጥንድ ስም ብቻ መምረጥ  አለበት
  • ለስያሜው የተሰጠውን የኮድ ቁጥር   በአጭር የፅሁፍ መልእክት፤ በድህረገጽ እና በማህበራዊ ሚዲያ በተዘጋጁ  የምርጫ መተግበሪያ በመጠቀም   መምረጥ ይቻላል

የስም መረጣው ግዜ 

የስም መረጣው ግዜ  ከጥቅምት 14 -28  2012 ዓ.ም  ድረስ ለ 15 ቀን የሚቆይ ሲሆን

  1. ከጥቅምት 14 ጀምሮ በድህረገጽ እና በማህበራዊ ሚዲያ በተዘጋጁ የምርጫ መተግበሪያዎች ምርጫ     መምረጥ ይቻላል
  2. ከጥቅምት 18 ጀምሮ በ920 ነጻ የአጭር የፅሁፍ መልእክት ላይ መምረጥ ይቻላል